Any Tampon’Ihorombe, manohy ny tolona hiarovana ny tanin’omby sy ny lova navelan’ny razana ny mpiompy sy ny mponina. Nanamafy ny firaisankinany sy ny fahavononany hiaro ny taniny manoloana ny fanangonan-tany ataon’ny orinasa Tozzi Green izy ireo nandritra ny Fetin’ny Mpiompy Omby. Etsy ankilany, niteraka fanontaniana ny fitsidihan’ny solontenan’ny Ministeran’ny Tontolo iainana tany amin’ireo kaominina misy ny fambolen-kazo kasaina hamokarana « crédit carbone », satria maro amin’ireo mponina sy fikambanana ao an-toerana no milaza fa tsy nasaina tamin’ireo fivoriana sy fakàna hevitra.
